Skuadra e Skënderbeut në volejboll femra është duke u përgatitur për sfidat e radhës. Në kampionat është në vendin e parë dhe tashmë janë shumë aktivitete të tjera që do të zhvillohen, siç janë disa Kupa me pjesëmarrjen edhe të ekipeve të Kosovës.
Kapitenia Elena Bego garanton: “Objektivi ynë është fitimi i titullit kampion dhe këtë do ta realizojmë, por ne do të kërkojmë të fitojmë çdo aktivitet ku do të marrim pjesë.
Jemi në një gjendje shumë të mirë dhe kjo na bën edhe më optimiste. Vërtet ka rivalitet, por ne jemi ekip shumë cilësor.”
Korçaret e rrjetës janë në vendin e parë në kampionat, një pikë para Partizanit dhe rivalieti do të jetë edhe më i madh duke shtuar Tiranën si rivalen tjetër.
