Volejboll për meshkuj /Skënderbeu fiton 3-0 me Vllazninë në një ndeshje që të paktën në setin e dytë dhe të tretë ka patur rivalitet deri në pikët e fundit.
Kjo edhe për meritë të korçarëve në veçanti por e të shkodranëve, ekip që ka në përbërje volejbollistë shumë të njohur.
Seti i parë është fituar nga Skënderbeu me rezultatin 25-16, për të ardhur tek seti i dytë, set që ka dashur pikët shtesë për të përcaktuar fituesin.
Ja ka dalë Skënderbeu të fitojë edhe këtë set falë pikëve të shumta goditëse në pozicionin 2,3 dhe 4. Set që ka bërë diferencën edhe me argjentinasin Filipe, set i fituar nga korçarët me rezultatin 28-26
Edhe seti i tretë ka dhuruar emocione të forta deri në fund, deri në pikët “të mëdha” por në fund korçarët e rinj kanë qenë më të qetë se shkodranët e njohur e për rrjedhojë Skënderbeu fiton këtë set 26-24 dhe krejt takimin 3-0.
Me këtë fitore Skënderbeu pothuajse është brenda 4 ekipeve më të mira të Kupës së Shqipërisë, për të qenë finaliste ekipi i trajnerit Arben Prifti i duhet e një tjetër fitore me Elbasanin.
Fitorja me Vllazninë ka treguar se volejbollistët Kamenica, Sotiri, Ahmeti, Filipe, Musaka, Frashëri dhe Lumani kanë treguar se klubi duhet të jetë më dashamirës me këtë skuadër. Kur themi dashamirës kemi parasysh merkaton. Edhe me dy lojtarë të tjerë të huaj Skënderbeu nuk është thjesht rivalizues por hyn në grupin e vogël të skuadrave që kërkon titullin kampion
