Mbrëmja e djeshme në Galerinë e Arteve Digjitale në Korçë ishte një festë e vërtetë muzikore. Tingujt e mrekullueshëm të klaviçembalit dhe fortepianos, të shoqëruar nga Orkestra Simfonike e Forcave të Armatosura nën drejtimin e dirigjentit francez, Jean Michel Ferran, sollën një udhëtim të paharrueshëm në botën e muzikës baroke.
Festivali Ndërkombëtar i Muzikës Baroke “Vox Baroque”, i vetmi i këtij lloji në Shqipëri, edhe në këtë edicion ofroi një përvojë unike për publikun korçar, i cili gjithmonë mirëpret dhe vlerëson muzikën e bukur dhe të përzgjedhur. Ky festival vazhdon të mbetet një pikë referimi për dashamirësit e muzikës baroke në vendin tonë.
