Një 20-vjeçar i identifikuar si Johan Zuko ka mbetur i vrarë me armë zjarri të tipit kallashnikov pasditen e sotme në lagjen 14 të qytetit të Korçës.
Sipas të dhënave paraprake nga policia, autori i dyshuar, i cili tashmë është identifikuar nga forcat e rendit, e ka ndjekur të riun nëpër rrugët e lagjes. Në përpjekje për t’i shpëtuar sulmit, 20-vjeçari ka tentuar të fshihet brenda një pallati, por është qëlluar për vdekje në ato ambiente.
Dinamika e ngjarjes dhe e kaluara e të dyshuarit
Burimet bëjnë me dije se viktima dhe autori i dyshuar i kësaj ngjarjeje të rëndë mësohet se kanë qenë shokë më parë dhe janë rritur së bashku. Ndërkohë, personi i identifikuar nga policia si i dyshuar për krimin rezulton të jetë një individ me precedentë të mëparshëm penalë, i skeduar për veprat penale të armëmbajtjes pa leje dhe plagosjes.
