Fshati Zëmblak në Bashkinë e Maliqit po përjeton orë tmerri si pasojë e vërshimit të ujrave dhe daljes së tyre nëpër rrugët e fshatit.
Rrugë dhe banesa të mbytura është bilanci paraprak ndërsa mendohet që të ketë dëme të shumta. Emergjencat Civile, Kryebashkiaku Topçiu, Prefekti Jole, fadroma e zjarrfikëse janë në zonë për të vënë nën kontroll situatën e rëndë.
Sipas kryebashkiakut Gëzim Topçiu një situatë e tillë nuk është parë ndonjëherë, ai tha se situata po vendoset nën kontroll por mendohet që dëmet materiale dhe gjënë e gjallë të jenë të shumta.
Fatmirësisht deri më tani nuk ka pasoja në njerëz, ndërkohë që banorët janë tmerruar dhe kanë dalë në rrugë.
