Tre raste të diskriminimit janë zgjidhur së fundmi në bashkinë e Maliqit, falë bashkëpunimit të zyrës së komisionerit për mbrojtjen nga diskriminimi me punonjësit e kësaj bashkie.
Sipas specialistes Etleva Tare këtë vit zyra e komisionerit për mbrojtjen nga diskriminimi është fokusuar në bashkinë e Maliqit por edhe në atë të Pustecit duke informuar qytetarët për shërbimet që ajo ofron. Falë këtyre takimeve është bërë e mundur zgjidhja e tre rasteve të diskriminimit lidhur me marrjen e bursave në Maliq.
Viti 2025 shënon edhe 15 vjetorin e miratimit të ligjit kundër diskriminimit, ndaj edhe Zyra e Komisionerit për Mbrojtjen nga Diskriminimi në Korçë do të organizojë një sërë aktivitetesh gjatë muajit shkurt, duke u fokusuar më shumë në dy bashkitë e Maliqit dhe Pustecit, duke qëndruar afër qytetarëve.
