Me porosi të kryebashkiakut Ilir Xhakolli, N/kryetari i Bashkisë Pogradec, Paskalino Ziko, tha se për të gjitha ata që do të neglizhojnë situatat e zjarreve do të ketë masa, deri në largim nga puna.
Ky ishte mesazhi i dhënë në mbledhjen e shtabit të emergjencave në Pogradec mes drejtuesve lokalë, policisë së shtetit dhe forcave zjarrfikëse.
Duhet thënë se edhe pse jemi në mes të sezonit Pogradeci nuk ka pasur situata të vështira me zjarret në pyje. Por megjithatë institucionet kanë ndezur alarmin e kuq në mënyrë që të gjitha strukturat të jenë në gatishmëri të plotë bashkë me vullnetarët.
Nënprefekti i Pogradecit, Luan Maxhari, tha se ka një urdhër të prerë që të ketë vigjilencë maksimale për të parandaluar situatat ashtu si duhet të zhvillohen takime sensibiluzuese në çdo fshat.
Armand Gora, komandat i zjarrfikses së Pogradecit, kërkoi mbështetje maksimale nga të gjithë pasi vetëm me trupën e zjarrfikësve të Pogradecit nuk arrihet të përballohen situatat emergjente.
Këtë sezon në Pogradec janë edhe rreth 70 vullnetarë që do ti bashkohen situatave të emergjencës në pyje.
