Marko Alia është portieri i ri i Skënderbeut. Ashtu siç ka paralajmëruar prej ditësh, 23-vjeçari i dalë nga akademia e Lacios ka firmosur zyrtarisht me klubin korçar një kontratë 3-vjeçare.
I shoqëruar nga menaxheri i tij shqiptar, Serxhio Mezi, portieri takoi dje presidentin Ardjan Takaj dhe ra dakord për gjithçka, teksa për herë të parë do të luajë në Kategorinë Superiore.
Burime zyrtare në klub bëjnë me dije se Alia nënshkroi kontratë 3-vjeçare dhe do të nisë stërvitjen me ekipin e ri më 3 korrik.
Portieri ka qenë pjesë e Kombëtares U-21, ndërsa së fundmi ka luajtur në Serinë C me Monterosi FC.
