Mbrëmjen e djeshme, në teatrin “Andon Z. Çajupi” në Korçë, u zhvillua me sukses edicioni i 7-të i koncertit të njohur “100 vjet Muzikë”, një rrugëtim muzikor i veçantë që përçoi emocion, elegancë dhe histori përmes tingujve.
Nën dirigjimin e mjeshtrit Eno Koço dhe kujdesin artistik të Lorenc Radovanit, ky koncert solli në skenë një përzierje të harmonishme mes traditës dhe së tashmes, duke bashkuar brezat nëpërmjet fuqisë së muzikës. Publiku përjetoi një atmosferë të ngrohtë dhe të ngarkuar me ndjesi, ku çdo tingull shërbeu si një urë lidhëse mes kohëve.
“100 vjet Muzikë” vazhdon të mbetet një nga eventet më të rëndësishme kulturore në qytetin e Korçës, duke sjellë vlera artistike dhe duke promovuar trashëgiminë muzikore shqiptare.
