Një ngjarje e rëndë ka tronditur komunitetin sportiv dhe qytetarët e Maliqit. Leo Sadiku, futbollist i ekipit Maliqi U-13, ka ndërruar jetë në moshën 12-vjeçare për shkak të problemeve shëndetësore.
Klubi i Futbollit Maliq ka shprehur trishtimin dhe dhimbjen për këtë humbje tragjike, duke ngushëlluar familjen Sadiku me fjalë prekëse:
“Jemi thellësisht të tronditur nga ngjarja tragjike. Klubi i shpreh ngushëllimet më të sinqerta familjes Sadiku për këtë humbje të rëndë. Zoti u dhëntë forcë për ta përballuar dhimbjen e madhe.”
Leo Sadiku do të mbahet mend si një talent i ri dhe një shembull frymëzimi për bashkëmoshatarët e tij në futboll. Klubi dhe komuniteti janë në zi për humbjen e një jete të re dhe plot ëndrra.
Reagimi i Klubit të Futbollit Maliq;
Prehu në paqe Leo Sadiku
Jemi thellësisht të tronditur nga ngjarja tragjike, ku për shkak të probleme shëndetësore ka humbur jetën në moshën 12-vjeçare, futbollisti i Maliqit U-13.
Klubi i shpreh ngushëllimet më të sinqerta familjes Sadiku për këtë humbje të rëndë! Zoti u dhëntë forcë për ta përballuar dhimbjen e madhe!
