Sot bëhen plot 12 vjet nga ndarja nga jeta e aktorit të njohur Minella Borova, një figurë e dashur dhe e respektuar e skenës dhe ekranit shqiptar. Me një karrierë të gjatë dhe të pasur, Borova ka lënë gjurmë të pashlyeshme në kinematografi, teatër dhe televizion.
Aktori korçar njihet për interpretimet e tij të ndjera, rolet e spikatura dhe përkushtimin ndaj artit. Ai u bë i njohur për publikun me rolet në disa nga filmat më të njohur shqiptarë, ndërsa ka qenë për vite me radhë edhe pjesë e trupës së Teatrit të Korçës.
Minella Borova u nda nga jeta më 30 qershor 2013, duke lënë pas një trashëgimi të vyer artistike dhe shumë kujtime të bukura për ata që e kanë njohur dhe duartrokitur.
Sot, në përvjetorin e 12-të të ndarjes së tij nga jeta, kujtojmë me nderim figurën e një artisti të vërtetë që i dha shumë kulturës shqiptare.
