Xhesi është një vajzë 14-vjeçare nga fshati Barç i Korçës, e cila ka zgjedhur të ndjekë drejtimin Teknologji Informacioni dhe Komunikimi. Pavarësisht se ajo jeton me sindromën Down, dëshira e saj për të mësuar dhe për të ndjekur arsimimin nuk është penguar nga sfidat shëndetësore. Xhesi është e vendosur të shfrytëzojë potencialin e saj në teknologji dhe t’i përkushtohet mësimeve për të arritur objektivat e saj.
Mbështetja e familjes dhe përkushtimi i saj ndaj shkollës i kanë dhënë Xhesit një shtysë të madhe për të ndjekur pasionin e saj në fushën e teknologjisë. Ajo është një shembull i gjallë se me vullnet dhe përkrahje të duhur, çdo sfidë mund të tejkalohet, dhe kjo rrugëtim është një frymëzim për të gjithë të rinjtë që aspirojnë të arrijnë qëllimet e tyre pavarësisht vështirësive.
