Numri i nxënësve në shkollat e Korçës, Berati dhe Elbasanit nga viti 2020 deri në 2023 ka ardhur në ulje drastike. Këtë e ka bërë me dije drejtoresha e drejtorisë rajonale të arsimit parauniversitar Korçë.
“Po të shohim të dhënat krahasuese nga 2020-2023 numri i përgjithshëm i nxënësve në arsimin parauniversitar, përfshirë dhe fëmijët e arsimit parashkollor ka pësuar rënie me 17%. 6% krahasuar një vit më parë.
Ne kemi shkollat të cilat numri i braktisjes shkollore është në nivel të lartë, puna është që të reduktojmë sadopak braktisjen shkollore. Numrin më të lartë të nxënësve braktises e kemi në ZVA Pustec” u shpreh Vinjola Rota.
Por cilët janë faktorët e uljes së numrit të nxënësve në bankat e shkollës?
“Lëvizja demografike është numri një që ndikon ndjeshëm në këto raste. Sot kemi tendencë nga zonat periferike drejt Tiranës. Shumë çifte të reja që kanë fëmijë nën 10 vjeç, lëvizin drejt qendrës, sepse Tirana është vendi që ofron
Emigracioni, duhet të jemi koshiente se emigracioni është një epidemi sociale.
Elementi i tretë është lindshmëria e ulët. Kemi tendencë të ulët, lindshmëria tkurret, sjell me pak nxënës dhe me pak studentë“, tha sociologia Maria Dojçe
DRAP KORÇË shtrin juridiksionin e saj në të gjitha institucionet arsimore të qarqeve Korçë, Elbasan dhe Berat, duke patur në përbërje 17 zyra vendore dhe 699 institucione arsimore në të gjitha nivelet, nga arsimi parashkollor deri në arsimin e mesëm të lartë
