Me qëllimin promovimin e vlerave të trashëgimisë sonë kombëtare, Muzeu Kombëtar i Arit Mesjetar feston “Ditën Ndërkombëtare të Muzeve”, si një event ndërkombëtar në fushën e trashëgimisë kulturore dhe muzeve në mbarë botën.
“Muzetë, Qëndrueshmëria dhe Mirëqenia” – “Museums, Sustainability and Wellbeing”
Muzetë janë kontribuesit kryesorë për mirëqenien dhe zhvillimin e qëndrueshëm të komuniteteve tona. Si institucione të besuara dhe fije të rëndësishme në strukturën tonë të përbashkët shoqërore, ato janë të vendosura në mënyrë unike për të krijuar dhe për të nxitur ndryshime pozitive.
Muzetë kanë një rol për të luajtur në formësimin dhe krijimin e të ardhmes së qëndrueshme, dhe ata mund ta bëjnë këtë përmes programeve edukative, ekspozitave, shtrirja dhe kërkimi në komunitet, kështu dhe fokusi i MKAM nesër do të jetë tek e ardhmja, tek formimi i brezave më të rinj me frymën e bashkëpunimit dhe krijimit të marrëdhënieve të frytshme me njëri-tjetrin, me jetesën në komunitet dhe mirëqënien sociale e cila, fillimisht vjen duke mbrojtur natyrën dhe duke e përdorur atë në mënyrë të zgjuar.
Për shumë shekuj me rradhë natyra është përdorur prej njeriut jo vetëm nevojat bazike të jetesës, por edhe për të plotësuar dëshirat shpirtërore, estetike, etj.., dhe ku më bukur këto ekspozohen në çdo muze, ku të gjithë së bashku, do të përsjellim, në vlerësim të jetës dhe të shoqërisë sonë, harmoninë e bashkëjetesës nëpërmjet shekujve, brezave traditave dhe trashëgimisë kulturore.
Me rastin e kësaj feste hyrja në Muzeun Kombëtar të Arit Mesjetar do të jetë falas për të gjithë vizitorët.
