Në 7 muajt e parë të këtij viti Korçën dhe fshatrat turistikë të kësaj bashkie i kanë vizituar 180 mijë turistë, 85% prej të cilëve janë turistë të huaj.
Eriketa Koçollari, menaxhere e një prej hoteleve në qytetin e Korçës thotë në subjekti privat që ajo punon gjatë kësaj periudhe ka punuar vetëm me turistë të huaj, të cilët kanë qenë kryesisht nga Polonia, Gjermania, Franca, Italia dhe vende të tjera.
Sipas drejtoreshës së muzeut të artit mesjetar Fjoralba Prifti, vetëm në muajin Gusht ky muze është vizituar nga 4000 turistë të huaj.
Kryetari i bashkisë Korçë Sotiraq Filo bën me dije se këtë vit ndryshe nga një vit më parë numri i turistëve të huaj është rritur deri në 50% dhe kjo ka ardhur për shkak të shtimit të ditëqëndrimeve nga ana e turistëve jo vetëm në qytetin e Korçës por dhe fshatrat turistikë
Rritja e numrit të turistëve të huaj këtë vit në Korçë ka ardhur edhe për shkak të kontratave që operatorët vendas kanë lidhur me agjencitë turistike të huaja
