Pas dy humbjeve radhazi në trasnferte me Tiranën dhe Teutën, Skënderbeu rikthehet në shtepi për të pritur Kukësin, ekip që mbyll renditjen në kategorinë superiore.
Nëse humbja në transferte me Tiranën është justifikuar edhe për shkak të kërkesave që ka skuadra bardheblu, humbja me Teutën në javën e 4 nuk ka lënë shije krejt të mirë për bardhëkuqtë. Kjo edhe për atë sepse Skënderbeu me shume se me Tiranën, Partizanin, Egnatian, Dinamon apo Vllaznine, pikët duhet t’i kërkojë me skuadrat të cilat kërkojne qëndrim në kategorinë e më të mirëve, përfshi këtu dhe Teutën.
Trajneri Ivan Gvozdenoviç nuk është se ka mbetur fort i kënaqur me atë çfarë kanë treguar në përballjen e fundit të besuarit e tij, por një barazim sipas tij Skënderbeu e ka merituar.
Gjatë pikë në 4 ndeshje për Skënderbeun nisur nga fakti se tre ndeshjet i kemi luajtur me ekipet më të mira të kësaj kategorie, dy prej të cilave në transferte nuk janë pak, aq më tepër për një ekip që vjen nga kategoria e parë por kur mendon se kemi lënë pikë këtë javë me Teutën atëherë 6 pikë nuk janë shumë në 4 javë, çka do të thotë diçka më shumë se një pikë për ndeshje.
Në ndeshjen e javë të 5 me Kukësin trajneri Gvozdenoviç ka gjasa të ketë të gjithë lojtarët në dispozicion përfshi këtu dhe Ramos i cili është parë në stërvitjet e këtyre ditëve. Gvozdenoviç nuk ka bërë me dije grupin e lojtarëve me të cilët do ta fillojë nga fusha përballjen me verioret por ka gjasa të ketë pak ndryshime nga grupi i lojtarëve që kanë luajtur në këto 4 javë të këtij sezoni
