11 tetor 1998 ishte trasmetimi i parë televiziv i televizionit privat të Pogradecit Sot7. Një televizion i cili tashmë nuk mund të cilësohet privat por një aset i qytetit liqenor.
Familja Fezollari prej pak vitesh ishte kthyer nga Australia dhe Feridoni e kishte ëndërr të krijonte një dritare informacioni të lirë dhe të pavarur ku gjërat thuheshin drejt. Gjithçka nisi me teknologjinë më të mirë të kohës, për të kaluar në orë dhe vite të gjata trasmetimi, emisionesh, filmash, dokumentarësh, konkursesh etj.
Sot kur tregu mediatik është në një sfidë të madhe me telefonat, ky Televizion ja ka arritur të rezistojë, plot çerek shekulli dhe të vijojë misionin e tij.
Bashkia Pogradec i ka akorduar ideatorit të tij një titull mirënjohjeje:
25 vite Televizion, dritarja informative e Pogradecit dhe gjithë Qarkut Korçë. Televizioni Sot7 është ideuar mbi parimet e të vërtetës, orgjinalitetit, informimit, edukimit, argëtimit dhe promovimit.
Sot7 ka të fiksuar me kamerat e saj 25 vitet e ndryshimit të Pogradecit duke u kthyer kështu në një aset të rëndësishëm për të gjithë.
Sigurisht që merita dhe falenderimi për këtë i shkon Z. Feridon Fezollari, njeriu me instiktin e lirisë i cili i fali qytetit një mundësi të tillë. Në këtë kuadër Kryetari i Bashkisë Z. Ilir Xhakolli i akordoi familjes dhe Z. Feridon Fezollari Certifikatën e Mirënjohjes (Pas vdekjes)
Me motivacion:
“Për kontributin e dhënë në ngritjen dhe konsolidimin e Televizionit “SOT 7”. Ndihma dhe këshillat e tij të vyera, mbetën themele të forta, në ecjen përpara të këtij institucioni mediatik, privat në Pogradec”.
