Tre vetëvrasje brenda 24 orëve janë regjistruar në qytetin e Korçës. Vendimin fatal për t’i dhënë fund jetës e kanë marrë gra të ndodhura në situata ekstreme pas një sërë vështirësish për të cilat ato duhet të kishin marrë ndihmën e specialistit.
Sipas ekspertëve, rritja e numrit të vetëvrasjeve në Korçë dhe më gjerë i atribuohet faktorëve ekonomikë dhe socialë.
Specialistët bëjnë thirrje për ndërtimin e mekanizmave që parandalojnë sjelljen vetëvrasëse, e cila ka ndikim të konsiderueshëm ekonomik dhe social.
Vetëvrasja është një plagë që po shkakton dhimbje të madhe në shoqëri dhe prej kohësh është një problem shqetësues, por specialistët rendisin disa mënyra se si të kuptohen personat që vuajnë dhe si ta parandalojmë këtë akt.
Publikimi i rasteve, sipas Mjekes Psikiatre Nikolina Bode, gjithashtu ka një efekt domino që ndikon drejtpërdrejtë në persona të tjerë të cilët e kanë shumë të vështirë të përballojnë sfidat.
