Një 45 vjeçar, banues në fshatin Dardhas ka bërë kallëzim penal në Komisariatin e Pogradecit, ku denoncon humbjen e bagëtive të tij. Ai dyshon për një 34 vjeçar, banues në fshatin Rëmenj.
Policia po punon për kapjen e tij, pasi pas njoftimit 34 vjeçar është larguar në drejtim të paditur.
Njoftimi i policisë;
DVP Korçë/Vijon puna për kapjen e 1 shtetasi, për veprën penale të vjedhjes
-Specialistët për Hetimin e Krimeve të Komisariatit të Policisë Pogradec referuan materialet në Prokurori dhe vijojnë puna për kapjen e shtetasit D. K., 34 vjeç, banues në fshatin Rëmenj, Pogradec, pasi dyshohet se në fshatin Dardhas, i ka vjedhur 5 krerë bagëti të imëta, një 45-vjeçari.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
