Një 65 vjeçar ka goditur me send të fortë një qen. Personi ka dashur të mbrohet nga qeni i cili ishte i egërsuar dhe po i sulej. Fatkeqësisht kafsha ngordhi.
Zotëria i kafshës ka bërë denoncim pasi ai e mbante pas kafshën e vet, ai e ndihmonte të kujdesej për tufën e bagëtisë.
Njoftimi i policisë;
DVP Korçë/Procedohen në gjendje të lirë 1 shtetas, për veprën penale të dhunës ndaj kafshëve
-Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi në gjendje të lirë për shtetasin J. L., 65 vjeç, banues në fshatin Gështenjas, Pogradec, pasi më datë 05.02.2024, në kullotat e fshatit Dunicë, Pogradec, dyshohet se i ka vrarë me mjet të fortë (dru), kafshën shoqëruese, shtetasit F. K.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
