70 vjeçari Dhimitraq Peci ka gjetur vdekjen aksidentalisht duke punuar në ambientet e brendshme të ndërtimit të palestrës së re të shkollës 9 vjeçare të qytetit.
Burime të siguruara thanë se 70 vjeçari ka qenë duke punuar së bashku me një person tjetër në lartësi për vendosjen e ndriçuesve të kësaj palestre kur në rrethana ende të pasqaruara edhe për grupin e hetimit ka rënë nga lartësia duke gjetur vdekjen.
70 vjeçari kishte pak vite që kishte dalë në pension si shofer në shërbimin zjarrfikës të bashkisë së Ersekës.
Deri tani policia nuk ka bërë me dije shumë gjëra lidhur me ngjarjen ndërkohë që trupi i 70 vjecarit është dërguar në morgun e spitalit të Korçës për të kryer ekspertizën mjeko-ligjore ndërsa nga ana tjetër mësohet se inspektoriati i punës ka pezulluar punën deri në përfundimin e hetimeve.
