Teksa afati për të plotësuar formularin për të qenë pjesë e primareve në Pogradec për zgjedhjet e 11 Majit, kanë dalë edhe emrat e personave që do të garojnë mes njëri tjetrit për të marrë votat e antarësisë së PD.
Kandidati i parë është Genti Çela i cili prej pak vitesh drejton degën e PD në Pogradec e që krahas dorëheqjes që duhet të japë si drejtues i saj tashmë, do kërkojë votbesimin e antarësisë për të dalë si emër zyrtar për deputet. Më herë Çela ka qenë i angazhuar në një fondacion bamirësie dhe vitet e fundit ka fituar jo pak hapsirë mediatike.
Emri i dytë është Arbër Male, në profesion laborant i cili po ashtu nuk ka një karrierë të gjatë politike, aq më pak nuk vjen nga strukturat e PD. Male u zgjodh si këshilltar në Këshillin Bashkiak Pogradec në zgjedhjet e 2023 nga partia e LZHK. Mësohet se Male nuk ka pranuar të jetë pjesë e kësaj force politike dhe është futur tashmë në primaret e PD. Por sa e lehtë do të jetë të marrë votat e demokratëve në një kohë kur nuk vjen nga radhët e tyre kjo mbetet për tu parë.
Megjithatë burime thonë se lufta pritet që të jetë mes tij dhe Çelës.
Më pas vjen Lenci Bega në profesion inxhiner i cili vjen nga kasta e demokratëve të vjetër. Ai më herët ka qenë sekretar i degës së PD në Pogradec dhe për shumë kohë nuk ka pasur angazhim në parti. Ka lidhje të forta politike me Tritan Shehun, por angazhimi i tij ka qenë pothuajse zero vitet e fundit.
Dy zonjat e listës janë edhe Albana Prifti në profesion mësuese, kryetare e forumit të gruas në PD Pogradec dhe Nën Kryetare e Këshillit Bashkiak Pogradec.
Brunilda Prifti është një tjetër zonjë që vjen nga strukturat e PD në profesion financiere, ka punuar kryesisht në sektorin privat, atë bankar dhe më herët ka qenë këshilltare e PD në Këshillin Bashkiak Pogradec.
Primaret në Pogradec ashtu si në të gjithë Shqipërinë do të mbahen në 11 Mars dhe emrat më të votuar që do të dalin do ti propozohen qendrës. Ndërkohë që i vetmi që ka të sigurtë emrin në listë është Ivi Kaso, drejtues politik i Qarkut Korçë.
