Ish-zëvendëskryeministri Arben Ahmetaj ka deklaruar gjatë një interviste televizive se zv.kryeministrja Belinda Balluku ka ndikim të drejtpërdrejtë në përzgjedhjen e anëtarëve të kabinetit qeveritar dhe ushtron presion ndaj kryeministrit Edi Rama.
Pretendimet mbi ndikimin në emërime dhe institucione
I ftuar në emisionin televiziv «Çim Peka Live», Ahmetaj pretendoi se struktura politike dhe administrative e lidhur me Ballukun mbetet aktive në sektorë kyçë shtetërorë, duke përmendur AKSHI-n, sektorin e energjisë dhe Kadastrën.
Duke folur për situatën politike dhe zhvillimet brenda mazhorancës, Ahmetaj u shpreh: Nuk ka zgjedhje me këtë, sepse ka vjedhur rregullat e lojës. Paratë e kanë zhdukur fushën. Struktura e Belinda Ballukut dhe e kreut të organizatës dhe në AKSH, dhe në energji dhe në Kadastër është e fortë e vazhdon. Struktura nuk është cenuar. Struktura është më e fortë se kurrë. Belinda Balluku emëron ministra dhe e kërcënon Ramën nëse ia prek ministrat. E masakruan ish-ministrin e Shëndetësisë, për një ligj, që do të bëjë ky një kartel të vetin. Protesta është shpëtimi i Shqipërisë.
