Në mbledhjen më të fundit të Këshillit Bashkiak të Korçës është miratuar projekti për rikonstruksionin e plotë të shkollës nëntëvjeçare “Sotir Gurra”, një ndër institucionet arsimore me më shumë traditë në qytet. Projekti përfshin jo vetëm përmirësimin e godinës ekzistuese, por edhe ndërtimin e një palestër të re, e cila do të ofrojë kushte bashkëkohore për zhvillimin e orëve të edukimit fizik dhe aktiviteteve sportive të nxënësve.
Ky investim do të financohet në masën 80% nga Ministria e Arsimit dhe Sportit, ndërsa 20% e vlerës do të mbulohet nga Bashkia e Korçës. Vlera totale e projektit kap shifrën mbi 111 milionë lekë.
Kryebashkiaku Sotiraq Filo e ka cilësuar këtë projekt si një investim të rëndësishëm në të ardhmen e arsimit në qytet, duke theksuar se ndërtimi i palestres së re do të plotësojë një nevojë të kahershme të shkollës dhe do të ndikojë drejtpërdrejt në cilësinë e jetës shkollore.
