Skënder Hitaj ka zhvilluar sot një takim pune në Drejtorinë Vendore të Policisë së Korçës, ku u ka përcjellë porosi të qarta drejtuesve dhe strukturave vendore për forcimin e komunikimit me komunitetin dhe përfaqësimin dinjitoz të uniformës.
Komunikim i hapur me qytetarët dhe siguria në shkolla
Gjatë takimit me drejtuesit e policisë lokale, u kërkua që linjat e komunikimit të jenë plotësisht të hapura, nga shefat e komisariateve deri te drejtori i qarkut, në mënyrë që çdo problematikë e banorëve të marrë përgjigje në kohë. Sipas udhëzimeve të dhëna, efektivët e policisë duhet të përfaqësojnë uniformën me korrektësi dhe profesionalizëm, duke mos u parë vetëm si figurë autoriteti apo ndëshkimi, por si partnerë që ndihmojnë dhe garantojnë sigurinë. Një vëmendje e veçantë iu kushtua sigurisë në shkolla, ku është kërkuar rritja e pranisë së policisë në ambientet ku qëndrojnë fëmijët dhe të rinjtë për të parandaluar ngjarjet e padëshiruara.
Rregulla për kontrollet e bizneseve dhe Policinë Rrugore
Për sa u përket kontrolleve ndaj bizneseve në qarkun e Korçës, u udhëzua që ato të jenë të planifikuara dhe të koordinuara, duke shmangur veprimet e pakordinuara dhe duke mbajtur me dijeni të plotë Drejtorin e Qarkut. Ndërkohë, porosi të posaçme morën efektivët e Policisë Rrugore, prej të cilëve u kërkua të jenë të dukshëm në aksit kryesore dhe jo të fshehur pas ferrave. Qasja e policisë në rrugë duhet të jetë parandaluese dhe orientuese ndaj drejtuesve të mjeteve, me synim rritjen e sigurisë dhe jo vetëm ndëshkimin e shkeljeve.
