Presidenti i Serbisë, Aleksandër Vuçiç, ka dhënë dorëheqje nga posti i kryetarit të partisë së tij.
Gjatë fjalës që mbajti para mijëra mbështetësve të tij në tubimin e zhvilluar të premten në Beograd.
Vuçiç tha se po fliste për herë të fundit si kryetar i Partisë Progresive Serbe, SNS.
“Për njëmbëdhjetë vjet, i shërbeva me besim dhe besnikëri shtetit dhe popullit tim. Unë kam qenë kryetar i Partisë Përparimtare Serbe për njëmbëdhjetë vjet.
Nesër, dikush tjetër do të marrë në dorë Partinë Progresive Serbe time, tuajën, tonën”, tha Vuçiç.
Ai tha se nga e shtuna partinë e marrin “disa njerëz të mrekullueshëm” dhe se nga 28 qershori nisin formimin e Lëvizjes për popullin dhe shtetin.
