Mesfushori portugez Paulo Estrela është transferuar zyrtarisht te Flamurtari, duke mbyllur bashkëpunimin me Skënderbeun, klub me të cilin kishte një kontratë të vlefshme deri në vitin 2027.
Lëvizja e zyrtarizuar ditën e shtunë vjen në një moment kur skuadra e Skënderbeut është ngjitur në Kategorinë Superiore, ndërsa ekipi vlonjat militon në Kategorinë e Parë. Ish-futbollisti i formacionit Porto B ka shfrytëzuar rrjetet sociale për të publikuar një mesazh lamtumire dhe falënderimi për klubin korçar dhe mbështetësit e tij.
Mesazhi i mesfushorit portugez për ambientin korçar
Në deklaratën e tij, Estrela u shpreh se futbolli nuk të lejon gjithmonë të zgjedhësh mënyrën se si mbyllen kapitujt, por theksoi se merr me vete kujtimet më të mira. Ai nënvizoi se që nga dita e parë në Korçë ka dhënë maksimumin për fanellën dhe klubin, duke u larguar me kokën lart dhe me ndërgjegje të pastër për kontributin e dhënë si brenda ashtu edhe jashtë fushës së lojës.
Futbollisti shprehu mirënjohje të veçantë për tifozët e Skënderbeut që e pritën ngrohtësisht, si dhe për zotin Ernest për mbështetjen dhe besimin e treguar që nga momenti i mbërritjes. Po ashtu, portugezi falënderoi shokët e skuadrës, stafin teknik dhe familjen e tij, duke i uruar klubit korçar dhe tifozerisë më të mirën për sfidat e ardhshme.
