Nuk është hera e parë që tezat e provimeve të Maturës publikohen para nisjes së provimit nga nxënësit.
Sot ndodhi përsëri.
Teza e Ekonomisë dhe teza e Fizikës, në ditën kur maturantët do të zhvillojnë provimet me zgjedhje, kanë dalë 15 minuta para nisjes se testit.
Provimi i parë i Maturës, ai i Gjuhës së Huaj u publikua gjithashtu para nisjes zyrtare. Pavarësisht vendosjes së kamerave dhe rritjes së mbikëqyrjes nga ana e administratorëve, kjo nuk i ka ndaluar nxënësit të nxjerrin telefonin dhe të publikojnë në rrjet tezën e provimit.
Situatë e njëjtë ishte dhe me provimin e Letërsisë dhe Gjuhës Shqipe.Testi i tretë, ai i Matematikës, u publikua 20 minuta para gjithashtu.
