Edhe pse më shumë se 30 vite pluralizëm dhe si një shoqëri që vijmë pas një diktature të gjatë ne nuk po ja dalim të ngrejmë kokën.
Sot në 2023 në vendin tonë diskutohet ende buka e gojës, paga e muajit e cila nuk del për dreq dhe kurrsesi nuk mund të flasim për sipërmarrje private.
Pjesa më e madhe e shoqërisë tonë ende jeton me ndihma ekonomike, kempe apo me disa rroga qesharake të cilat nuk mjaftojnë për të kapur muaji muajin tjetër.
Sot është tepër e vështirë për të hapur një biznes apo të marrësh përsipër një investim disa miliona lekë.
Nisur nga ajo që tha edhe kryeministri pak javë më parë kur ishte në juglindje të vendit duke ftuar këdo të investojë në Shqipëri, pyetja që ngrihet është? Me çfarë?
Ku do i gjejnë 20-30 apo më shumë miliona lekë një familje e cila jeton me një rrogë dhec kjo është pjesa më dërrmuese e shoqërisë.
Në cilin nga programet e ministrive të linjave ofrohet mundësi për të rinjtë apo kryefamiljar?
Unë mund të jem shumë i zoti për të menaxhuar apo ngritur një biznes turizmi, por nuk i kam paratë që ta ndërtoj. Ku ti marr?
Banka nuk më financon aq shumë para pasi rrogat e shqiptarëve nuk i mbulojnë aq shumë shpenzime, të vendosin kolateral e kanë të pamundur pasi me ligjin 7501 kanë minimumi 500 m² e cila nuk mjafton për dorëzani.
E për rrjedhojë të vetmit që përfitojnë për të investuar në këtë sektor dhe jovetëm janë ata që quhen oligarkë. Nuk janë shumë mund të jenë 10-15 syresh, ja edhe 20, por a është kjo e drejtë? Kaq shumë pak njerëz që po gllabërojnë gjithçka në vendin tonë nën petkun e investitorit strategjik?
Ata po marrin leje zhvillimi dhe investimi kudo, po mbjellin krëpudha investimesh në cdo cep të vendit duke marrë hektarë të tërë tokash. Pra Shqipëria ka kaluar tashmë në dorën e kaq pak njerzve, pse? Sepse ne populli i thjeshtë me dëshirë për sipërmarrje nuk investojmë dot dhe nuk na jep kush një dorë.
Nuk ka kredi të buta për sipërmarrje nga shteti nuk ka programe të qarta start up-esh për të rinjtë. Ekzistoi një Azhbr por edhe aty që të përfitosh duhet të kesh projektin dhe lekët, pas investimit ka gjasa të përfitosh ndonjë mbështetje nëse jo i ke hyrë detit në këmbë.
20 veta oligrakë po sundojnë vendin, po marrin çtë gjejnë fusha, toka, gërxhe dhe dete, shqiptarët nuk po përfitojnë asgjë. Shumë e thjeshtë nëse këtë vit kishim 10 milionë turistë, bëjmë një anketë sa prej shqiptarëve kanë përfituar, ata nuk fjetën në shtëpitë tona por në hotelet e oligarkëve, andaj sa nuk është vonë duhet shpëtuar shqipëria, ose e sigurtë që pas pak vitesh të gjithë do kemi ikur dhe sigurisht këtu do banojnë afrikanët.
