85% e turistëve këtë sezon turistik që kanë vizituar juglindjen kanë qenë turistë të huaj të ardhur nga Europa Perëndimore e jo vetëm
E gjithë kjo është bërë e mundur për herë të parë falë bashkëpunimit që operatorët turistike të Korçës dhe Pogradecit në veçanti kanë patur me agjenci turistike të huaja.
Manol Gazi dhe Pandi Tasellari janë dy prej operatorëve të njohur në Pogradec, të cilët këtë vit falë këtij bashkëpunimi kanë sjellë rreth 40.000 turistë të huaj. Si njeri dhe tjetri bëjnë të ditur se me agjenci të huaja jo vetëm kanë mbyllur rezervime për vitin 2025 por edhe vitin 2026.
Investimet e realizuara në Pogradec e ne veçanti në parkun e Drilonit edhe për kryetarin e ri Ilir Xhakolli kanë bërë të mundur ardhjen e kaq shumë turistëve të huaj.
Më shumë se 600 mijë turistë kanë vizituar këtë vit juglindjen e vendit. E gjithë kjo ka ardhur edhe për shkak të zgjatjes së ditë qëndrimeve në Bujtinat e hotelet në qarkun e Korçës
