Një aksident i rëndë ka ndodhur ditën e sotme në Pogradec, në rrugën që lidh qytetin me Tushemishtin. Dy automjete, të drejtuara nga shtetasit P. H. dhe R. P., janë përplasur me njëra-tjetrën, duke shkaktuar lëndimin e tre personave. Nga përplasja është dëmtuar drejtuesi R. P. dhe dy pasagjerë që udhëtonin me të, të cilët fatmirësisht ndodhen jashtë rrezikut për jetën.
Në vendngjarje kanë mbërritur menjëherë shërbimet e Policisë dhe ambulanca, të cilat kanë transportuar të dëmtuarit drejt spitalit për marrjen e ndihmës mjekësore. Njëri prej të plagosurve ka pasur nevojë për kujdes më të specializuar, ndërsa dy të tjerët kanë pësuar dëmtime më të lehta.
Drejtuesi i automjetit tjetër, shtetasi P. H., është shoqëruar në Komisariat për procedurat e mëtejshme. Grupi hetimor po punon në terren për të zbardhur rrethanat dhe shkaqet e plota të aksidentit, ndërsa trafiku në zonë është normalizuar.
