Mëngjesin e sotëm, në aksin rrugor “Korçë-Ersekë”, pranë fshatit Dvoran, një automjet ka dalë nga rruga pas humbjes së kontrollit nga drejtuesi i tij, shtetasi E. D., rreth 30 vjeç. Si pasojë e aksidentit, drejtuesi i automjetit ka marrë dëmtime dhe është transportuar menjëherë në Spitalin e Traumës për mjekim të specializuar.
Grupi hetimor ndodhet në vendngjarje dhe po kryen veprimet e nevojshme për të zbardhur rrethanat e aksidentit dhe shkakun e daljes së automjetit nga rruga.
