N aksident i frikshëm është regjistruar në orët e para të mëngjesit të sotëm në aksin Korçë-Pogradec në afërsi të fshatit Zvirinë.
Një mjet tip Bmw X5 ka da nga rruga duke u përplasur me murin e një biznesi në krah të saj dhe duke përfunduar në kanal.
Sipas të dhënave që vijnë nga Policia e Shtetit drejtuesi i mjetit krahas faktit ka qenë me shpejtësi të lartë ka pësuar edhe përgjumje teksa ecte në rrugë. Pas aksidentit drejtuesi i mjetit është transportuar në spitalin e Korçës, ku është nën kujdesin e mjekëve dhe me plagë të shumta në trup.
Në vendin e ngjarjes ndodhet Policia e cila po heton rrethanat e aksidentit.
Njoftimi i Policisë
Maliq/Informacion paraprak
Më datë 29.06.2023, rreth orës 08:10, në aksin rrugor Korçë-Pogradec, në afërsi të fshatit Gurishtë, Maliq, shtetasi B. C., rreth 42 vjeç, duke drejtuar automjetin tip “BMW”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë është dëmtuar drejtuesi shtetasi B. C., i cili pas ndihmës së marrë në spitalin e Korçës, do të transportohet në Tiranë për mjekim të specializuar.
Grupi hetimor po punon për përcaktimin e shkakut të daljes nga rruga.
