Maliq – Një aksident rrugor ka ndodhur rreth orës 14:00 në aksin rrugor “Korçë–Pogradec”, ku një automjet ka dalë nga rruga dhe është përplasur me një objekt anësor.
Sipas të dhënave paraprake, dyshohet se drejtuesi i mjetit, shtetasi A. L., ka humbur kontrollin e automjetit, duke shkaktuar aksidentin. Si pasojë, ai ka pësuar dëmtime dhe është transportuar në spital, ku po merr ndihmë mjekësore. Fatmirësisht, ndodhet jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
