Një aksident rrugor ka ndodhur rreth orës 09:00 të mëngjesit të sotëm në lagjen nr. 4 të qytetit të Korçës.
Sipas të dhënave paraprake, një automjet me drejtues shtetasin R. P. ka përplasur një këmbësore, shtetasen F. L., rreth 79 vjeçe, banuese në Korçë.
E moshuara është dërguar menjëherë në spital, ku po merr ndihmën mjekësore. Burime zyrtare bëjnë me dije se ajo ndodhet jashtë rrezikut për jetën.
Drejtuesi i automjetit është shoqëruar në ambientet e Komisariatit të Policisë për veprime të mëtejshme procedurale.
Grupi hetimor po vijon punën për të përcaktuar shkaqet dhe rrethanat e këtij aksidenti.
