Një këmbësore është dëmtuar pas një aksidenti rrugor në unazën e qytetit të Pogradecit. Për këtë ngjarje, policia ka arrestuar në flagrancë drejtuesen e automjetit, një 28-vjeçare nga Korça, për shkelje të rregullave të qarkullimit rrugor.
Ndërkohë, është proceduar penalisht edhe një 48-vjeçar dhe një 29-vjeçar, të përfshirë në një tjetër aksident me dëmtime të lehta.
Njoftimi i Policisë:
Sektori i Policisë Rrugore arrestoi në flagrancë shtetasen E. Sh., 28 vjeçe, banuese në Korçë, për veprën penale “Shkelja e rregullave të qarkullimit rrugor”.
Gjithashtu, u referuan materialet për shtetasit E. Ç., 48 vjeç dhe D. K., 29 vjeç, pas përplasjes së automjetit me monopatinën, ku u dëmtua lehtë 29-vjeçari.
