Ditën e djeshme ka ndodhur një aksident në aksin rrugor Korçë-Pojan, në afërsi të fshatit Pojan, ku një mjet ka humbur kontrollin dhe ka përfunduar në kanal.
Drejtuesi i mjetit u dërgua në spitalin e Korçës ku mësohet se është jashtë rrezikut për jetën.
Njoftimi i policisë;
Qarku Korçë/Procedohet në gjendje të lirë 1 shtetas, për vepra të ndryshme penale
-Specialistët e Trafikut Urban dhe Interurban të DVP Korçë referuan materialet në Prokurori ku filloi procedimi në gjendje të lirë për shtetasin K. C., 20 vjeç, banues në fshatin Vashtëmi, Maliq, pasi në rrugën “Korçë-Pojan”, në afërsi të fshatit Pojan, Maliq, duke drejtuar automjetin tip “Benz”, dyshohet se ka humbur kontrollin dhe automjeti ka dalë nga rruga.
Për pasojë, është dëmtuar vetë drejtuesi, i cili ndodhet në spital, jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
