Më në fund spektakli “X Factor Albania” do të rikthehet. Lajmin e ka bërë të ditur Alketa Vejsiu, e cila së bashku me Vera Grabockën kanë punuar gjatë kësaj kohe për të rikthyer spektaklin shumë të pëlqyer, që 8 vite më parë na mbante para ekranit. Përmes një postimi në Instagram, Alketa ka bërë të ditur edhe datat kur do të mbahen audicionet.
Jemi shumë të lumtur që sjellim në ekran pas disa vitesh mungesë këtë platformë të jashtëzakonshme muzikore që do të zbulojë talentet e reja në muzikë! Pas shumë vitesh mungesë në ekranet shqiptare të programeve “Talent Show”, po ju presim kudo ndodheni, që t’ju zbulojmë juve, super star-et e rinj të muzikës dhe skenës shqiptare!
”X Factor” është një produksion gjigand, është një shkollë e vërtetë e muzikës dhe e televizionit.
Talentet trajtohen në mënyrën më spektakolare dhe performojnë në finalet e “live show” pranë idhujve të tyre, njerë të afirmuar të skenës! X Factor është muzikë, është gëzim, është show, është emocion, është garë, është energji, është mundësi për të transformuar jetën përgjithmonë, është garanci suksesi për karierrën tënde artistike, është ëndrra që bëhet realitet, është “arratisje” nga jeta e zakonshme, dhe integrim i menjëhershëm në jetën artistike! Kushdo që ka një ëndërr dhe do që bota ta njohë e presim të vijë në audicionet e produksionit në shkollat e muzikës në qytetet përkatëse!
Para 10 vitesh, që të sillja edicionin e parë të X Factor në Shqipëri, ishte një sfidë për mua personalisht. Pasi kisha forcën e Vera Grabockës me të cilën punoj dhe kam ndarë ëndrrat e një jete prej 24 vitesh! Këtë ëndërr duam ta ndajmë me të gjithë ju dhe fuqinë e Tv Klan që beson te forca e talentit!
Një brigadë njerëzish profesionistë do të punojnë për ju që të shkëlqeni! Ç’tju themi? Paçi fatin e Dua Lipës.
Në qytetin e Korçës, audicionet do të zhvillohen në fund të muajit tetor. Bëhuni gati, dritë jeshile për talentet e reja !