Nën akuzë për “Onkologjikun”. Alketa Pere dhe i vëllai në qendër të skandalit edhe te klinika e tyre në Pogradec
Mjekja e Spitalit të Onkologjikut, Alketa Pere, e cila është në hetim nga Prokuroria e Tiranës së bashku me gjashtë kolegë të saj, ka deklaruar se kurrë në jetën e saj nuk ka dërguar pacientë me kancer tek privati. Në një deklaratë të saj, ajo theksoi përkushtimin dhe integritetin profesional, duke mohuar çdo përfshirje në praktika të tilla.
Aleta Pere ka mohuar publikisht se punon në një klinikë private. Së bashku me vëllain e saj, Refki Pere, ajo drejton Kliniken Gjinekologjike Pere në Pogradec, e cila ka tërhequr vëmendje për mënyrën e trajtimit të pacientëve me kancer.
Në këtë klinikë, pacientet me kancer orientohen drejt Onkologjikut dhe, me ndihmën e Aleta Peres, marrin ilaçet e nevojshme duke paguar një haraç prej 100-150 dollarë për flakon. Klinika është bërë e njohur edhe për një incident të transmetuar në emisionin “STOP,” ku një mjek, pa dijeninë e pacientes, i preu tubat gjenitale duke i thënë: “Ke boll 4 fëmijë.”
Këto zhvillime kanë ngjallur reagime të shumta në opinionin publik dhe kanë rritur shqetësimet për standardet e shërbimeve mjekësore në vend.
Marrë nga: Rigela Xhemollari
