Ambasadoret e Gjermanisë dhe Francës në Shqipëri, nga Korça kanë komentuar procesin e integrimit të Shqipërisë në Bashkimin Europian dhe rihyrjen e opozitës në parlament si dhe arrestimet e fundit nga SPAK.
“Ne jemi të lumtur për hapat e rinj të Shqipërisë në BE. Është moment besimi që EU i jep Shqipërisë me hapjen e kapitujve, procesi i vërtetë ka nisur. Vlerat e Bashkimit Europian po bashkohen me shoqërinë shqiptare.
Institucionet e drejtesise si SPAK dhe të tjerët janë pjesë e procesit të integrimit, ne mbështesim ato, punën e tyre. Ne vlerësojmë punën e SPAK”– u shpreh Ambasadori Gjerman Karl Bergner.
“Ashtu si e theksoi presidenti Macron ne vizitën e tij në Shqipëri, jemi të lumtur për hapat e Shqipërisë në BE dhe jemi të bindur që ato do vazhdojnë.
Procesi i integrimit është i rëndësishëm transformimi i shoqërisë shqiptare. Në këtë proces transformimi, Franca dhe Gjermani u japim ndihmë.
Besoj se jemi dakord që ne mbështesim punën e SPAK, BE e mbështet në punën e rëndësishme që po bën”– tha Ambasadorja franceze Catherine Suard.
