Në kuadër të MIK Festival 2025, Ambasadorja e Republikës Popullore të Kinës në Shqipëri, znj. Pang Chunxue, zhvilloi një takim me kryetarin e Bashkisë së Korçës, z. Sotiraq Filo.
Gjatë këtij takimi miqësor, u diskutua për thellimin e bashkëpunimit mes dy vendeve, me theks të veçantë në fushat e kulturës, turizmit dhe ekonomisë. Kryebashkiaku Filo prezantoi potencialin e qytetit të Korçës si një qendër dinamike për projekte ndërkombëtare dhe investime strategjike.
Ambasadorja Pang vlerësoi traditën kulturore të Korçës dhe rolin e saj në forcimin e marrëdhënieve shqiptaro-kineze. Të dy palët shprehën gatishmërinë për të forcuar partneritetin në funksion të zhvillimit dhe shkëmbimit mes komuniteteve.
Takimi u zhvillua në atmosferën festive të MIK Festival, që prej vitesh i jep Korçës një jehonë ndërkombëtare përmes artit dhe muzikës.
