Shqipëria vuan prej gati një dekade largimin masiv të bluzave të bardha jashtë vendit, kryesisht drejt Gjermanisë, por edhe vendeve të tjera të Bashkimit Europian.
Qeveria shqiptare e injoroi fillimisht problemin, por gjatë vitit të fundit, kryeministri Edi Rama hodhi për konsultim publik një plan të ngjashëm me propozimin e rektoratit të Mjekësisë.
Para nisjes së studimeve, studentët e mjekësisë duhet të firmosin kontratë për të punuar të paktën 3 vite në atdhe, pas përfundimit të studimeve duke i mbajtur peng diplomën, ose në të kundërt do paguajnë tarifën vjetore të shkollimit, me koston reale, vlerë e cila ende nuk është përcaktuar.
Por këtë gjë, studentët e mjekësisë e kundërshtojnë.
Dhjetëra studentë të mjekësisë u mblodhën në protestë të martën që kaloi pranë rektoratit të Universitetit të Mjekësisë për të kundërshtuar draft-propozimim. Draft-propozimi mbështetet nga Ministria e Arsimit dhe ajo e Shëndetësisë.
Nga notat e provimeve, deri më tani, rezulton se maturantët njohin më mirë gjuhën angleze sesa gjuhën shqipe.
Para disa ditësh kanë përfunduar provimet e maturantëve dhe kanë marrë rezultate vetëm në dy prej tyre, në lëndën e gjuhës së huaj dhe në lëndën e gjuhës dhe letërsisë. Në gjuhën shqipe vetëm 15 maturantë kanë marrë notën 10.0, ndërsa në gjuhë të huja 384 maturantë janë vlerësuar me notën 10.0.
Mos ndoshta studentët e mendojnë që herët largimin e tyre drejt një shteti tjetër?
Studentët e mjekësisë kanë lajmëruar një tjetër protestë më datën 23 qershor 2023, ora 10:⁰⁰, para rektoratit të UMT-së. Ata do të marshojnë drejt Ministrisë së Arsimit dhe Sportit.
A do të dëgjohet fjala e tyre?
