Temperaturat e larta përveç rrezikut për shëndetin, sjellin me vete edhe rrezikun nga zjarret. Vendi ka pësuar dëme të mëdha vitet e kaluara nga zjarret që kanë djegur mijëra hektar pyje dhe sigurisht se frika ekziston edhe këtë vit.
Ministri i Mbrojtjes, Niko Peleshi, bën apel ndaj çdo qytetari të jenë të kujdesshëm ndaj çdo veprimi.
Ja çfarë ka shkruar ai në facebook;
Situata emergjente e zjarreve është një sfidë e madhe për të gjithë ne dhe mënyra më e mirë për t’u përballur me të është të jemi të përgatitur për të shmangur rreziqet për të mbrojtur veten, të tjerët dhe natyrën e vendit tonë. Bashkëpunimi dhe kujdesi i çdo individi janë thelbësore për të reduktuar rreziqet dhe për të siguruar jetën tonë dhe të komunitetit.
Kujdesi ndaj zjarreve duhet të jetë prioritet për të gjithë ne. #Bashkë, për sigurinë dhe mirëqenien e të gjithëve.
Telefononi menjëherë #128 Shërbimin e #Zjarrfikëses, në çdo kohë e për çdo rast emergjence.
