Një 49 vjeçar nga Pogradeci u arrestua për veprën penale të plagosjes me dashje. Pas gjykimit në Gjykatën e Shkallës së Parë në Korçë atik ju caktua masa “Arrest në shtëpi”.
Sot 49 vjeçari u gjet jashtë shtëpisë së tij duke konsumuar kafe në një lokal larg banesës së tij. Menjëherë u bë arrestimi i tij pasi dyfishoi akuzat që qëndronin mbi të.
Njoftimi i policisë;
DVP Korçë/Vihet në pranga 1 shtetas për veprën penale të thyerjes së masës së sigurisë
-Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin L. D., 49 vjeç, banues në Pogradec, pasi ka dalë jashtë banesës së tij, në kundërshtim me vendimin e Gjykatës së Shkallës së Parë Korçë, e cila i kishte caktuar atij, masën e sigurisë “Arrest në shtëpi”, për veprën penale “Plagosja e rëndë me dashje”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
