Artur Kreka është padyshim një nga emrat më të njohur të mundjes klasike. Korçari ka bërë historinë e këtij sporti që kur ishte fëmijë e në tapet është parë pa mbushur 13 vjeç.
Ai djali i brishtë por i sigurte ne kapje, që kur filloi do të zinte vendet e para. Ashtu siç do të ishte mbi të gjithë edhe kur ishte pjesë e ekipit të të rinjve. Në vitin 1981 Artur Kreka do të befasonte të gjithë mundës, gjyqtarë e trajner në pallatin e sportit “Partizani” ne kryeqytet, edhe në kushte kur për ekipin ka sakrifikuar jo pak duke u ngjitur tre pesha me lart se ajo natyrale e duke patur përballë një mundës kampion si Hajri Dhelpra, të cilin “e ka masakruar” me kapje të cilësisë së lartë.
Për të ardhur në vitin 1983 në Shkodër, duke mundur një tjetër mundës me emër të madhe si Fidel Ylli, aty ku shpallet edhe kampion kombëtar.
Gjatë jetës së tij sportive korçari i tapetit është ndeshur me mundesat me të mirë të vendit në peshat 74-82 kg.
Më vonë Artur Kreka ka e dy tituj të tjerë siç ka patur edhe vendet e para në kampionate ekipore e kupa Republike.
Nëse ka patur mundës që e ka mbajtur Skënderbeun në kategorinë e më të mirëve të mundjes klasike, ky është Artur Kreka që se bashku me Arben Zhamon i kanë falur gjithçka tapetit korçar.
Me Artur Kreken të larguar para kohe nga kjo jetë, tapeti humbi shumë, ashtu si ne humbëm shpirtin opozitar të një shpirti si Artur Kreka
