Një investim në infrastrukturë po zbatohet në Mokrën e Poshtëme, në bashkinë e Pogradecit. Së fundmi është duke u asfaltuar rruga kryesore që lidh fshatin Kriçkovë me aksin nacional Qukës – Qafë Plloçë, me një gjatësi prej 1.1 km. Ky investim pritet të lehtësojë ndjeshëm lëvizjen e banorëve dhe transportin e prodhimeve të tyre drejt tregjeve.
Banorët e Kriçkovës shprehen të kënaqur për këtë investim, duke theksuar rëndësinë e tij për përmirësimin e qarkullimit dhe zhvillimin e jetës ekonomike në zonë.
Asfaltimi i rrugës së Kriçkovës vjen pas përfundimit të projektit të asfaltimit në aksin Proptisht-Slabinjë dhe projektit zgjerues dhe rehabilitues të aksit Slabinjë-Bishnicë. Këto investime kanë lehtësuar ndjeshëm lidhjen e fshatrave të Mokrës së Poshtëme me aksin nacional, duke zgjidhur një problem të hershëm të infrastrukturës për komunitetin lokal.
