Sot në Ditën e Evropës, ku kudo festohet paqja dhe uniteti në Evropë, patëm kënaqësinë të inagurojmë audioguidën në gjuhën frënge. Një bashkëpunim që ka nisur herët midis Muzeut të Arsimit Korçë dhe nxënësve maturantë të seksionit dygjuhesh “Raqi Qirinxhi”.
Falenderojmë mësuesen e frëngjishtes Vasiliqi Kume dhe maturantët e gjimnazit “Raqi Qirinxhi” për punën e kryer dhe këtë mundësi të krijuar për vizitorët francezë për tu njohur me historinë tonë nëpërmjet gjuhës së tyre amtare.
Mënyra e prezantimit në gjuhën franceze është lehtësisht e aksesueshme, ku në sajë të skanimit të QR code-ve në ekspozitën e muzeut, vizitoreve do ju shfaqet link-u me audiovideon në aplikacionin YouTube.
Vetë nxënësit janë protagonistët e audioguidës, në një mënyrë ndryshe dhe interesante ata mbulojnë me zërin e tyre çdo artifakt apo figurë historike në muze. Ngjarja tregohet në vetën e parë, duke sjellë në jetë objektet dhe personazhet historike.
