“Baltë jemi e baltë do bëhemi” – tradita e vjetër e korçarëve për Pashkë.
“I dashur Vasillaq Kolevica, ta gëzosh ditëlindjen!
TI e bën baltën të flasë! Je Artist dhe Alkimist! Veprat e tua kanë dritë të bukur dhe emetojnë bukuri, bashkëkohësi dhe gjuhë universale. E kanë madje edhe vulën e veprave klasike, ndaj uroj të jetojnë gjatë dhe për breza e breza me radhë!
Këtë vit, dita jote e lindjes përkoi me të Enjten e Madhe të Pashkëve, kur blihet të paktën 1 enë balte si për mirë. Në Panairin e Qytetit mbizotërojnë kitsch-et kineze, ndoshta edhe si këmbanë vetëdijësimi që kemi një Mjeshtër të vërtetë mes nesh, që na rikthen në rrënjë, në autenticitet, në art të pastër, në art të thellë dhe origjinal!
Baltë jemi dhe baltë do bëhemi… I paç vitet e shumta, me shëndet e dashuri në familje!
Shënim: fotot janë të FB të Vasillaq Kolevica-/ës.”
Shkrim i marrë nga Lazjon Petri.
