Problematika: Vithkuqi prej viesh përballet me ndërprerje të vazhdueshme dhe të paplanifikuara të energjisë elektrike. Këto ndërprerje kanë shkaktuar dëme në pajisjet e banorëve, kanë penguar funksionimin e bizneseve lokale dhe kanë vështirësuar ofrimin e shërbimeve publike. Problemi lidhet kryesisht me infrastrukturën e vjetëruar dhe kapacitetin e pamjaftueshëm të rrjetit.
Qëllimi i Nismës: Qëllimi ynë është të ingranojmë institucionet përgjegjëse, duke kërkuar përmirësimin e infrastrukturës elektrike dhe angazhimin më të madh të institucioneve për mirëmbajtjen e rregullt të rrjetit.
Kërkesa: Ne besojmë se mbulimi mediatik mund të luajë një rol të rëndësishëm në pasqyrimin e kësaj problematike dhe në nxitjen e veprimeve për një zgjidhje të qëndrueshme. Do të vlerësonim shumë nëse mund të përgatisni një material që do të pasqyronte realitetin e këtij problemi dhe përpjekjet tona për ta zgjidhur atë. Ju falënderoj për vëmendjen dhe shpresoj për mbështetjen tuaj në këtë çështje që ka rëndësi për komunitetin e Vithkuqit.
