Bashkia Maliq shpallet për të gjashtin vit radhazi fituese në Programin Kombëtar të Strehimit Social, duke siguruar mbështetje të mëtejshme për familjet në nevojë.
Projekti i ri, që do të nisë zbatimin në korrik-gusht 2025 dhe pritet të zgjasë dy vite, parashikon rehabilitimin e edhe 39 banesave të tjera në territorin e bashkisë. Investimi realizohet në bashkëfinancim me Ministrinë e Ekonomisë, Kulturës dhe Inovacionit dhe Bashkinë Maliq, duke e çuar në 260 numrin total të banesave të rehabilituara në këtë zonë.
Bashkia Maliq thekson se do të vazhdojë të qëndrojë pranë qytetarëve në nevojë, duke garantuar kushte më të mira banimi dhe përmirësim të infrastrukturës.
